Monday, 21 May 2018

 Waziri Mkuu Kassim Majaliwa, akifunua kitambaa kuashiria uzinduzi wa mradi wa uunganishwaji umeme wa Gridi ya Taifa kwa mikoa ya Lindi na Mtwara kwenye kituo cha kupoza na kusambaza umeme cha Mahumbika Mkoani Lindi leo Mei 21, 2018. Kushoto ni Waziri wa Nishati, Dkt. Medard Kalemani, na kulia ni Mkuu wa Mkoa wa Lindi, Godfrey Zambi. Mradi huo sasa umeondoa kero ya muda mrefu ya upatikanaji wa umeme ulio bora na wa uhakika kwenye mikoa hiyo ya Kusini.




NA MWANDISHI WETU, MAHUMBIKA-LINDI

WAZIRI Mkuu Mhe. Kassim Majaliwa amewahakikishia watanzania wote kuwa Serikali itafikisha umeme kila kona na kila kijiji.

Waziri Mkuu aliyasema hayo mara baada ya kuzindua mradi wa uunganishwaji wa umeme wa Gridi ya Taika kwa mikoa ya Lindi na Mtwara kwenye hafla iliyofanyika Kituo cha kupoza na kusambaza umeme cha Mahumbika mkoani Lindi leo Mei 21, 2018.

Hata hivyo aliwataka kuwa wavumilivu kwani mipango ya serikali ambahyo ni kuhakikisha umeme unafika sio tu maeneo ya mijini bali pia kwenye vijiji vyote vya Tanzania.

“Kitendo kinachofanyika hapoa leo ni ushahjidi wa ahadi hiyo ya serikali na ninachowaomba Watanzania ni kuwa na subira kwani serikali inatekeleza ahadi ilizotoa kuhakikisha watanzania wanapata umem wa uhakika na wa bei nafuu.”

Akizungumzia  uzinduzi huo ambao sasa umetoa sukuhisho la uhaba wa umeme kwenye mkoa huo wa Lindi Waziri Mkuu alitoa maagizo kwenye halmashauri zote mkoani humo kuhakikisha maeneo yote nyeti ya huduma za kijamii yanafikishiwa umeme ikiwemo shule na hospitali

“Hatutarajii kuwa na eneo lenye shida ya umeme, hapa ni umeme masaa 24, na tafsiri ya serikali kuwa hapa ni umeme wa uhakika na wa kutosha ndio hii ambayo leo hii tumezindua.” Alisema.

Alisema sera ya serikali ni ya uchumi wa viwanda,na kwamba, wale watu wanaotaka kuwekeza viwanda vya Korosho, Salfa na vifaa mbalimbaki kwenye mkoa wa Lindi sasa ni wakati wao kwenda mkoani humo na kuwekeza kwani hivi sasa kuna umeme wa uhakika.

Aidha Waziri Mkuu aliwaasa wananchi kuwa walizni wa miundombinu ya umeme, na kuwataka wanapoona vitendo vya watu wakihujumu mkiundombinu basi taarifa za kuwashughulikia watu hao ni vema zikatolewa kwa vyombo husika ili kuchukua hatua.

“Naomba vifaa vyote vinavyoletwa kwenye maeneo yenu, kwenye vijiji vyenu basi tuvilinde ili hatimaye tuweze kunufaika na uimarishwaji wa miundombinu ya umeme.” Aliasa Wazir Mkuu.

Kupitia mpango w REA, yaani umeme vijijini Serikali imepunguza kutoka Zaidi ya Shilingi 300,000/= hadi shilingi 27,000/= tu.

 Waziri Mkuu Kassim Majaliwa,(katikati) na viongozi wengine wa serikali wakiwemo mawaziri akikata utepe kuashiria uzinduzi wa mradi wa kuunganishwa umeme wa Gridi ya Taifa kwa mikoa ya Lindi na Mtwara kwenye kituo cha kupoza na kusambaza umeme cha Mahumbika Mkoani Lindi leo Mei 21, 2018. 
 Waziri Mkuu Majaliwa akimpongeza Waziri Dkt. Kalemani.
 Waziri Mkuu, Mhe. Kassim Majaliwa, (wapili kulia), akiwa na viongozi wengine, wakiimba wimbo wa taifa baada ya kufanya uzinduzi.
 Waziri Mkuu Majaliwa, na viongozi wengine, akipatiwa maelezo ya ,mradi huo na mmoja wa wataalamu wa TANESCO, kwenye kituo cha Mahumbika.
Waziri Mkuu Majaliwa, akitoa hotuba yake
Waziri Mkuu Majaliwa, akitoa hotuba yake

 Waziri wa Nishati, Dkt. Medard Kalemani, akitoa hotuba yake
 Mkurugenzi Mtendaji wa TANESCO, Dkt. Tito Mwinuka, akitoa maelezo ya mradi huo.
 Mkuu wa Mkoa wa Lindi, Godfrey Zambi, akitoa hotuba yake
Waziri Dkt. Kalemani, (katikati), akisindikizwa na Katibu Mkuu wa Wizara ya Nishati, (kulia) na Mkurugenzi Mtendaji wa TANESCO, Dkt. Tito Mwinuka.

Sunday, 20 May 2018



Mwandishi wa habari na mchambuzi wa mambo mbalimbali nchini Tanzania Ndg Mathias Canal (Kushoto) akikabidhiwa tuzo ya cheti cha heshima kwa mchango wa utendaji katika jamii na Ndg Mohamed shabani ambaye ni Mkurugenzi wa idara ya jinsia, wazee na watoto wa Asasi ya Wazalendo na Maendeleo Tanzania (AWAMATA).
Mwandishi wa habari na mchambuzi wa mambo mbalimbali nchini Tanzania Ndg Mathias Canal akionyesha cheti cha tuzo ya utambuzi wa utendaji wa kizalendo katika jamii alichokabidhiwa na Asasi ya Wazalendo na Maendeleo Tanzania (AWAMATA).

Na Mwandishi Wetu, Dar es salaam

Mwandishi wa habari na mchambuzi wa mambo mbalimbali nchini Tanzania Ndg Mathias Canal amepewa tuzo ya cheti na Asasi ya Wazalendo na Maendeleo Tanzania (AWAMATA) ikiwa ni alama ya kutambua mchango wake na kazi za kizalendo na maendeleo anazozifanya nchini.

Akikabidhi tuzo hiyo kwa niaba ya Mwenyekiti wa AWAMATA Taifa, Ndg Mohamed shabani ambaye ni Mkurugenzi wa idara ya jinsia, wazee na watoto wa asasi hiyo ya AMAWATA Taifa amesema Asasi hiyo imehamasika kutoa tuzo ya cheti cha heshima na pongezi kwa Mathias Canal kwa sababu ni mzalendo na amekuwa akifikiri juu ya maendeleo ya wananchi na kuhabarisha wananchi kuhusu mambo mbalimbali ya kimaendeleo na kihabari jambo ambalo limekuwa ni chachu kwa vijana wengine nchini.

Alisema kuwa Mathias Canal ni moja ya waandishi wabunifu sana na kama mwandishi kijana amekuwa na maono makubwa yenye manufaa kwa wananchi na Taifa kwa ujumla, ambapo amehamasisha vijana wengine kushirikiana nae katika mtandao wake wa Wazo Huru Blog na WazoHuru.Com chini ya kampuni yake ya habari inayotarajiwa kukamilisha usajili wake hivi karibuni.

“Tumekuwa tukimfatilia tangu akiwa Mhariri na mtangazaji wa redio Free Africa (RFA) na baadaye kuwa mwandishi wa kujitegemea ambapo amefanya kazi na viongozi mbalimbali wa dini, siasa, jamii na serikali kwa ujumla wake, kwa muda mrefu kama asasi tumeshawishika kumpa tuzo hii, kwa ufanyaji kazi ya kizalendo na maendeleo hasa anapoumiza kichwa kwa ajili ya kutengeneza ajira kwa vijana wenzake kupitia mtandao Wazo Huru Blog" Alikaririwa Mohamed

Akipokea tuzo hiyo, Mkurugenzi Mtendaji huyo wa Kampuni ya Wazo Huru Media Group (C.E.O), Ndg Mathias Canal amemshukuru Mwenyekiti wa AWAMATA Taifa Ndg Chief Mrindoko Babu Mwidadi sambamba na watendaji wote wa Asasi ya AWAMATA kwa kumpatia tuzo hiyo ya heshima kwani alidhani tuzo hiyo hutolewa kwa viongozi wa serikali pekee.

“Sikufikiria kama ningeweza kupata heshima hii katika umri wangu huu, kwani nimekuwa nikishuhudia viongozi mbalimbali wakipewa tuzo hii akiwemo Mkurugenzi wa Manispaa ya Ubungo Ndg John Lipesi Kayombo na hata Mkuu wa Mkoa wa Simiyu kaka yangu Mhe Antony Mtaka, hivyo hii ni heshima kubwa sana kwangu, imenipa moyo wa kufanya kazi kwa bidii na weledi zaidi kwa manufaa ya Taifa langu” Alikaririwa Canal

Sambamba na hayo pia Canal alitoa wito kwa Vijana wenzake kutimiza wajibu wao, katika kusukuma gurudumu la Taifa mbele ikiwa ni pamoja na kujitokeza katika shughuli mbalimbali za kijamii sambamba na kuunga mkono juhudi za serikali ya awamu ya tano inayoongozwa na Mhe Rais Dkt John Pombe Magufuli.

Asasi ya Wazalendo na Maendeleo Tanzania (AWAMATA) ni asasi isiyokuwa ya kiserikali inayojishughulisha na uelimishaji wa uzalendo kwa Watanzania na kufundisha mbinu za kujitegemea ili kuondokana na umaskini pia inatoa tuzo kwa watu wanaofanya vizuri katika masuala mbalimbali ya kizalendo na kuwasaidia wananchi kutoka katika lindi la umasikini.